Ditën e sotme, presidenti ukrainas Volodymyr Zelensky ka mirëpritur kryeministrat e Polonisë, Republikës Çeke dhe Sllovenisë në një takim në Kiev. Zelensky postoi një video dy minutëshe të takimit në kanalin e tij Telegram, ku shkruan se vizita e kryeministrave është një shenjë e fortë mbështetjeje.
“Vizita juaj në Kiev në këtë kohë të vështirë për Ukrainën është një shenjë e fortë mbështetjeje. Ne e vlerësojmë vërtet” – shkruan Zelensky.
Tre liderët evropianë, të cilët thanë se po përfaqësonin Këshillin Evropian në takimin e Kievit, udhëtuan për në kryeqytetin ukrainas me tren.
