Visjan Ukcenaj është ndër aktorët komikë më të njohur në vendin tonë. Prej vitesh është pjesë e show-t të humorit, Klanifornia. Gjithashtu, ai është dhe shumë aktiv në rrjetet e tij sociale ku ndan shpesh video funny me familjen dhe miqtë.
Ditën e sotme, aktori i njohur i humorit ishte i ftuar në emisionin “Rrugëtim me Anilën”, ku ka rrëfyer raportin e tij me bashkëshorten, Jona Xhelilaj dhe si i ka ndryshuar jeta pasi është bërë baba.
Ai është shprehur se me bashkëshorten është njohur para se të bëhej i famshëm dhe falë saj është, ky që është sot.
“Është kolaps, ka gjithmonë përplasje. Jona ka mbaruar për regji dhe është kritikja ime më e madhe, më e sinqerta. S’ka më të mirë se ajo, po të mos kisha atë nuk do isha ky që jam sot.”
Gjithashtu aktori theksoi se kanë qenë bashkë në çdo hap dhe kanë kaluar situata të vështira, teksa shtoi se një femër duhet vlerësuar shumë për rolin e saj që ka në familje.
“Njihemi bashkë para se të bëhesha i famshëm dhe kjo është diferenca kryesore në marrëdhënien tonë. Kemi jetuar bashkë çdo hap, çdo vështirësi, momentet kur nuk kishim lekë, situatat e vështira. Të gjitha i kemi përjetuar bashkë. Realisht kur e them që falë saj jam ky që jam sot, e mendoj vërtet dhe ji bindur. Meshkujt varen shumë nga femra që ka në krah, ata që kanë një femër të mirë në krah janë me fat. Duhet vlerësuar roli i femrës në familje, dhe në pozicionin e mashkullit në shoqëri.”
Aktori i humorit u shpreh se ka bërë shumë gabime në jetë, por me ardhjen në jetë të djalit ka ndryshuar tërësisht. Ai tregon se tani është njeri më i qetë, ndërsa më parë ka qenë implusiv dhe gjaknxehtë. Nga ana tjetër, Visjan Ukcenaj shtoi se është baba shumë i përkushtuar dhe dëshiron që të gjitha mangësitë që ka pasur në jetë nga i ati i tij, t’i korrigjojë me fëmijën.
“Jam një baba i përkushtuar, ndoshta e teproj me llastimin tim, por them në fund të fundit është fëmija im, po nuk bëra gjëra për të, për kë do bëj. Ai është motivi i jetës sime, s’ka asgjë më e rëndësishme se sa ai. Do ta suportoj në çdo talent që të ketë. Nëse do të dëshirojë të bëhet artist, pse jo. Do e ketë edhe më të lehtë, nëse dëshiron të bëhet avokat, mjek, mjafton të ketë talent dhe ta dojë. Absolutisht që prindërimi më ka ndryshuar. Jam shumë më i qetë dhe më i ndjeshëm, kam qenë shumë impulsiv, gjaknxehtë kam bërë shumë gabime, shyqyr jam mirë. Ardhja e djalit në jetë më ka ndryshuar shumë, tashmë mendoj për të para se të marr një hap. Kam imazhin e tij përpara se të marr një vendim.”
Kujtojmë se, çifti simpatik u bënë prindër për herë të parë në vitin 2018 kur mirëpritën në jetë vogëlushin, Divin.
