Aksidenti tragjik në Bullgari, la pas 45 persona të vdekur, mes tyre 12 fëmijë. Mësohet se shumica prej tyre ishin me origjinë nga Maqedonia e Veriut. Mirëpo sipas shefit të policisë bullgare Stanev pasagjerët ishin shqiptarë ndërsa dy drejtuesit e autobusit ishin maqedonas.
“Informacionet fillestare tregojnë se në autobus udhëtonin 52 persona, nga të cilët dy shoferët ishin me nacionalitet maqedonas dhe 50 pasagjerët me kombësi shqiptare” tha ai.
Mëngjesin e sotëm 45 persona, shumica prej të cilëve turistë nga Maqedonia e Veriut, humbën jetën pasi një autobus u përplas dhe u përfshi nga flakët në një autostradë në Bullgarinë perëndimore. Ngjarja ka ndodhur rreth orës 02:00 të mëngjesit të sotëm, 40 kilometra në jug të kryeqytetit Sofje.
