Damian Gjiknuri dhe Enkelejd Alibeaj, bashkëkryetarët e Komisionit të Posaçëm të Reformës Zgjedhore, kanë vendosur të zhvillojnë online mbledhjen e rradhës.
Duket se kjo është forma që ata kanë gjetur për të shmangur përballjet me deputetë të opozitës, të cilët prej muajsh kërkojnë vendet që u takojnë në Komisionin e Reformës Zgjedhore, ku në vend të Alibeajt është propozuar Oerd Bylykbashi, por gjithashtu ka një përtëritje të anëtarëve që i përkasin partive opozitare.
Duke mos pranuar kërkesën e opozitës dhe duke vijuar të mos bëjë asnjë ndryshim në përbërjen e Komisionit, socialistët, me ndihmën edhe të PD-së së vulës që drejtohet nga Lulzim Basha, po vijojnë lojën, bëjnë sikur po punojnë për reformën zgjedhore, sikur po dëgjojnë grupet e interesit dhe sikur po mbledhin propozime, kur në fakt mundësia që Edi Rama të pranojë ndryshimet është minimnale, për të mos thënë zero.
Në mbledhjen që do të mbahet online të martën, pritet të ketë dëgjesë me Komisionin Qendror të Zgjedhjeve, që pas një sërë thirrjesh të Ilirjan Celibashit, që reforma të çohet përpara, t’i paraqesë Gjiknurit e Alibeajt kërkesat që me shkrim nuk kanë munguar, adresimin e dy vendimeve të Gjykatës Kushtetuese: votën e diasporës e herësin, por edhe rekomandimet e BE-së që lidhen me depolitizimin e administratës zgjedhore, financimin e fushatave etj.
Po ashtu të martën në komisionin e Reformës Zgjedhore, do të zhvillohet seancë dëgjimore edhe me Drejtorinë e Përgjithshme të Gjendjes Civile si dhe AKSHIN.
Më herët Gjiknuri e Alibeaj, kanë zhvilluar një sërë seancash dëgjimore me grupet e interesit, shoqërinë civile që kërkon lista të hapura, por edhe me shoqatat e diasporës që kërkojnë që në 2025 të kenë mundësi që emigrantët të votojnë.
Edhe minoritetet i kërkuan Komisionit të Reformës Zgjedhore të garantojnë përfaqësim të drejtpërdrejtë të tyre në Kuvend, kërkesë kjo e përsëritur përmes një letre disa ditë më parë nga tre parti minoritare.
Në anën tjetër Lulzim Basha që përfaqësohet në Komision me Enkelejd Alibeajn ka gati draftin për 1 zonë zgjedhore, votën e diasporës e lista 100% të hapura, për të cilën do të duhet të bindë edhe PS-në që në kushtet kur ka deklaruar se është komode me këtë Kod Zgjedhor, nuk ka bërë propozime.
Damian Gjiknuri dhe Enkelejd Alibeaj, bashkëkryetarët e Komisionit të Posaçëm të Reformës Zgjedhore, kanë vendosur të zhvillojnë online mbledhjen e rradhës.
Duket se kjo është forma që ata kanë gjetur për të shmangur përballjet me deputetë të opozitës, të cilët prej muajsh kërkojnë vendet që u takojnë në Komisionin e Reformës Zgjedhore, ku në vend të Alibeajt është propozuar Oerd Bylykbashi, por gjithashtu ka një përtëritje të anëtarëve që i përkasin partive opozitare.
Duke mos pranuar kërkesën e opozitës dhe duke vijuar të mos bëjë asnjë ndryshim në përbërjen e Komisionit, socialistët, me ndihmën edhe të PD-së së vulës që drejtohet nga Lulzim Basha, po vijojnë lojën, bëjnë sikur po punojnë për reformën zgjedhore, sikur po dëgjojnë grupet e interesit dhe sikur po mbledhin propozime, kur në fakt mundësia që Edi Rama të pranojë ndryshimet është minimnale, për të mos thënë zero.
Në mbledhjen që do të mbahet online të martën, pritet të ketë dëgjesë me Komisionin Qendror të Zgjedhjeve, që pas një sërë thirrjesh të Ilirjan Celibashit, që reforma të çohet përpara, t’i paraqesë Gjiknurit e Alibeajt kërkesat që me shkrim nuk kanë munguar, adresimin e dy vendimeve të Gjykatës Kushtetuese: votën e diasporës e herësin, por edhe rekomandimet e BE-së që lidhen me depolitizimin e administratës zgjedhore, financimin e fushatave etj.
Po ashtu të martën në komisionin e Reformës Zgjedhore, do të zhvillohet seancë dëgjimore edhe me Drejtorinë e Përgjithshme të Gjendjes Civile si dhe AKSHIN.
Më herët Gjiknuri e Alibeaj, kanë zhvilluar një sërë seancash dëgjimore me grupet e interesit, shoqërinë civile që kërkon lista të hapura, por edhe me shoqatat e diasporës që kërkojnë që në 2025 të kenë mundësi që emigrantët të votojnë.
Edhe minoritetet i kërkuan Komisionit të Reformës Zgjedhore të garantojnë përfaqësim të drejtpërdrejtë të tyre në Kuvend, kërkesë kjo e përsëritur përmes një letre disa ditë më parë nga tre parti minoritare.
Në anën tjetër Lulzim Basha që përfaqësohet në Komision me Enkelejd Alibeajn ka gati draftin për 1 zonë zgjedhore, votën e diasporës e lista 100% të hapura, për të cilën do të duhet të bindë edhe PS-në që në kushtet kur ka deklaruar se është komode me këtë Kod Zgjedhor, nuk ka bërë propozime.
