Qeveria holandeze ka thënë se një në katër migrantë që kërkon azil në Holandë, vjen nga ato që konsiderohen vende “të sigurta”.
Gjë që nënkupton se ata nuk mund ta fitojnë statusin e refugjatit.
Shërbimet e Migrimit kanë thënë sot se çereku i 4400 kërkesave të azilit, të parashtruara për herë të parë në vitin 2016, vijnë nga vende si Serbia, Shqipëria dhe Kosova.
Vitin e kaluar, rreth 59 mijë emigrantë kishin aplikuar për azil në Holandë, një shtet ky i vogël e me popullësi të dendur, prej 17 milionë banorëve.
Ndërsa Holanda po kërkon mënyra për t’u përballur me fluksin, emigrantët nga vendet e sigurta tani po refuzohen më me shpejtësi dhe nuk po lejohen më që t’i presin vendimet për ankesa në këtë shtet, dhe ata duhet të largohen menjëherë.
