Nis operacioni nga ajri për shuarjen e flakëve në sipërfaqen pyjore pranë zonës së mbrojtur në Bërzanë, në njësinë administrative Zejmen në Lezhë. Siç raportohet, një helikopter Cougar ka shkuar në ndihmë të zjarrfikësve të cilët janë angazhuar për shuarjen e vatrës së zjarrit. Lajmi është bërë i ditur nga ministri i Mbrojtjes, Niko Peleshi, i cili ka publikuar dhe video nga operacioni.
“Një vatër zjarri është raportuar në një sipërfaqe pyjore pranë zonës së mbrojtur në Bërzanë, në njësinë administrative Zejmen në Lezhë. Helikopteri Cougar ka shkuar në ndihmë të aksionit për shuarjen e vatrës që rrezikon të marrë përmasa të mëdha për shkak të erës së fortë. Në terren po punojnë forcat e emergjencave civile, janë angazhuar 60 efektivë të FA, forca të policisë dhe vullnetarë.”-shkruan Niko Peleshi.
