Një ngjarje e rëndë është shënuar edhe në Turqi, pasi një 44-vjeçare britanike ka humbur jetën dje dhe partneri i saj është në gjendje të rëndë pas përplasjes në brigjet e plazhit të Marmara në jug të Turqisë. Varka e tyre u përplas me një tjetër taksi ujore ku udhëtonin katër turistë të tjerë të cilët pësuan plagë të lehta.
Sipas raportimeve, dyshohet se kapiteni i varkës së shpejtë të viktimës nuk e kishte mendjen në drejtimin e mjetit teksa mjeti tjetër nuk ishte në lëvizje. Në varkën taksi lundronin katër turistë, dy britanikë dhe dy vendas.
Imazhe të largëta nga kamerat e sigurisë kishin kapur përplasjen e barkës së viktimës me barkën taksi që qëndronte e palëvizur në ujë. Pamje të tjera nga mediat lokale tregonin barkën e shëtitjeve në breg me një pjesë të madhe të përparme të shkatërruar nga impakti.
E përditshmja turke Super Haber tha e kapiteni turk nuk kishte licencë për të lundruar dhe po hetohet për vrasje nga pakujdesia. Varka taksi po çonte turistët nga Marmaris drejt Turunç, një qytezë e vogël pesë milje më larg. Përplasja fatale ndodhi para hotelit me pesë yje Elegance në Marmaris.
