Gjenerali rus Aleksandër Matovnikov është përfshirë në një skandal në rrjetet sociale, pas publikimit të një videoje ku shfaqet i zhveshur duke bërë striptizëm.
Matovnikov shihet duke bërë striptizëm duke kërcyer në tingujt e një muzike në sfond. Videoja prej 44 sekondash është postuar fillimisht në Telegram dhe pastaj ka vijuar në rrjetet e tjera sociale.
57-vjeçari besohet se është përgjegjës për dëmin e rëndë prej 274 milionë paund që pësoi dje një aeroplan spiun rus.
Gjeneral-lejtnant Matovnikov është aktualisht nënkryetari i forcave tokësore të Rusisë, me përgjegjësi për praninë ushtarake të Moskës në Bjellorusinë fqinje. Ai është një ish-anëtar i këshillit të sigurisë me ndikim të Moskës dhe shërbeu si udhëheqës ushtarak i Putinit në Distriktin Federal të Kaukazit të Veriut, një zonë me rëndësi strategjike për Rusinë.
