Një zjarr me përmasa të mëdha shpërtheu në një objekt policie në qytetin egjiptian të Ismailia. Si pasojë thuhet se janë lënduar të paktën 25 persona përpara se zjarrfikësit të vinin në kontroll flakët.
Sipas mediave të huaja, pamjet e postuara në rrjetet sociale tregonin ndërtesën e drejtorisë së sigurisë së qytetit të përfshirë nga flakët. Dy dëshmitarë i thanë Reuters se zjarrfikësit fillimisht dukej se po kishin vështirësi për të shuar zjarrin.
Të paktën 25 persona u plagosën në një numër paraprak të viktimave, tha Autoriteti i Ambulancës Egjiptiane. Burimet e mbrojtjes civile thanë se pjesë të ndërtesës ishin shembur nga zjarri.
#BREAKING #Egypt A massive fire in the Egyptian Ismailia Security Directorate. pic.twitter.com/zDCsZNkmkv
— The National Independent (@NationalIndNews) October 2, 2023
