Një oficer policie u vra dhe 79 kolegë të tij u mbajtën peng gjatë protestave në provincën jugore të Kolumbisë, Caqueta. Dhuna shpërtheu të enjten pasi banorët bllokuan kompleksin e kompanisë së kërkimit të naftës Emerald Energy.
Ata i kërkojnë kompanisë të investojë para për riparimin dhe ndërtimin e rrugëve të reja në zonë. Në përleshje mbeti i vrarë edhe një civil.
Në video shfaqen pengjet dhe punonjësit e kompanisë së naftës të ulur në një dhomë të mbushur me njerëz. Presidenti kolumbian Gustavo Petro tha se shpresonte që ata të liroheshin përpara se dhuna të përshkallëzohej dhe kërkoi ndihmë nga Kryqi i Kuq.
Shumë nga protestuesit janë indigjenë që duan që Emerald Energy të ndërtojë infrastrukturë të re rrugore rreth zonës San Vicente del Caguan. Por deri më tani, kompania e naftës nuk iu përgjigj kërkesës së Reuters për koment.
Policia kolumbiane në Twitter bëri homazhe për oficerin e policisë së vrarë në konflikt, emri i të cilit ishte Ricardo Monroja. Deri tani mësohet se ai u vra me hanxhar pasi qëlloi një protestues.
Avokati i popullit të Kolumbisë për të drejtat e njeriut, Carlos Camargo, i cili ishte në zonë si ndërmjetës, tha se ai foli me protestuesit dhe i pengoi ata të hidhnin kokteje molotov në objektin e naftës.
Campesinos y pueblos étnicos del Caquetá mantienen en su poder en la caseta comunal de Los Pozos a 79 policías y a 9 civiles de la petrolera Emerald Energy. @DefensoriaCol intenta mediar. Urge presencia del Gobierno. Situación no da espera. pic.twitter.com/AtkcUe86aF
— Erika Fontalvo (@ErikaFontalvo) March 2, 2023
