Cardi B u fotografua duke hedhur një mikrofon ndaj një fansi, i cili i hodhi një pije asaj, disa orë pasi hodhi një mikrofon tjetër në një DJ në Las Vegas.
Interpretuesja e hitit “WAP”, 30 vjeçe, u pa duke hedhur mikrofonin nga skena pasi u spërkat nga një pije e hedhur nga një fans, në një video të shpërndarë nga Pop Base në Twitter të shtunën, shkruan DailyMail.
Nuk ishte hera e parë që këtë fundjavë reperja – e cila sapo publikoi një këngë të re me bashkëshortin e saj Offset të titulluar “Jealousy” – vendosi të përdorë mikrofonin e saj për diçka tjetër përveç këndimit.
Një natë më parë, Cardi po performonte në “Drai’s Beach Club” kur ajo u acarua pasi DJ dyshohej se ia kishte ndërprerë këngët shumë herët.
Në një klip të shpërndarë në rrjetet sociale, artistja shihet duke bërtitur emrin e saj përpara se të kthehej dhe të hidhte mikrofonin në drejtim të DJ-it, sikur të ishte duke hedhur një top futbolli, përpara se të dilte nga skena.
Në video shihet Cardi, e lindur me emrin e vërtetë si Belcalis Marlenis Almánzar, e veshur me një fustan ngjyrë portokalli të ndezur, ndërsa performon në skenë gjatë orëve të ditës.
Ajo është në mes të këndimit të hitit të saj të vitit 2018, “Bodak Yellow”, dhe ngre mikrofonin në fytyrë për një varg tjetër, përpara se papritmas një spërkatje lëngu të shihet duke e goditur atë në fytyrë nga pija e një personi në audiencën e koncertit.
Cardi B shfaqet e tronditur për një sekondë të shkurtër përpara se të hidhet në veprim dhe t’ia hedhë mikrofonin dikujt në audiencë, me sa duket hedhësit të pijeve.
Ndërkohë melodia e këngës së saj së bashku me vokalin e saj vazhdon të luhet në sfond.
Cardi më pas shihet duke rregulluar flokët e saj, ndërsa sigurimi duket se po përballet me situatën në turmë.
Fansat në Las Vegas thuhet se kanë pritur dy orë në nxehtësi përpara se ylli të shfaqej në skenë për të performuar.
Ylli i hip hopit thuhet se madje u kërkoi fansave t’i hidhnin ujë teksa ajo ankohej për nxehtësinë e tepërt në qytetin e nxehtë.Një natë më parë ajo u pa këmbëzbathur në skenë teksa performonte hitin e saj të mrekullueshëm “I Like It” e veshur me një mini fustan të verdhë neoni para incidentit me mikrofonin.
Incidentet e hedhjes së mikrofonave vijnë pasi Cardi B iu dha fund thashethemet se ajo dhe bashkëshorti i saj Offset falsifikuan një skandal tradhtie për të promovuar këngën e tyre bashkëpunuese, “Jealousy”, e cila u publikua të premten.
Ata sajuan një ngjarje kinse Cardi Be kishte tradhtuar bashkëshortin e saj, por krejt kjo u bë për publicitet për këngën e saj të re.
Cardi B throws microphone at audience member who threw a drink at her. pic.twitter.com/alLgHMFshb
— Pop Base (@PopBase) July 30, 2023
