Një ditë më parë, ish-Kryeministri Sali Berisha publikoi një video, për të cilën tha se është momenti kur është tentuar ti bëhet atentat Salvador Kaçajt, ditën e zgjedhjeve të 14 majit.
Berisha solli videon nga momenti kur Kaçaj shpëton nga atentatorët, falë manovrimit nga shoferi i tij.
“Aktet horror në farsën elektorale të 14 majit, mbeten dëshmi flagrante e asaj që kemi thënë se në këtë farsë, krimi u shndërrua në votë dhe vota në krim
Me datën 14 maj, këtu së bashku kam denoncuar atentatin e dështuar, të organizuar nga bandat kriminale, ndaj ish-kryetarit të Bashkisë së Shëngjinit, njërit prej futbollistëve më të shquar të vendit, demokratit Salvator Kaçi, i cili po kalonte së bashku me të birin, po udhëtonte, dhe banditë të armatosur i dalin përpara për ta ekzekutuar, por një manovrim i shpejtë i shoferit, e bëri të pamundur aktin e tyre kriminal”, tha Berisha.
Lidhur me deklaratën e ish-Kryeministrit ka reaguar kryebashkiaku socialist i Lezhës, Pjerin Ndreu.
Ky i fundit i cilëson deklaratat dhe videon e publikuar si një “fantazi idiote” të matrapazëve politikë. Ai thotë se Salvador Kaçaj nuk ka asnjë peshë dhe ndikim elektoral në Lezhë, ndër të tjera, ndaj askush nga PS-ja nuk kishte përse t’i organizonte atentat.
“[…] ne nuk mbajmë përgjegjësi për ndonjë incident personal, në oren 18:30 kur historia e votimeve ishte në fund! Të “vrasësh” Salvadorin në mbyllje të kutive, është kulmi i fantazisë idiote që duhet të degjojmë ne për të tillë matrapazë politike”, shkruan kryebashkiaku i Lezhës.
Më tej, Pjerin Ndreu aludon se e gjithë ajo që ai e quan farsë për t’iu veshur politikisht PS, mund të jetë sajesë e vetë Salvador Kaçaj.
“E fundit, e neveris gjithë këtë farsë turpi dhe qesharake të stisur dhe veshur politikisht PS, kur nuk ka asnjë arsye, motiv e as logjike! Pse te mos mendoj se është sajesë e Salvadorit atëherë?! Sepse nuk më lidhet “dëshira” e Salvadorit për të fituar doktori me “frikën” tone se na bëka dam të madh ky mashtruesi i njohur publikisht?!”, shkruan Ndreu.
Një ditë më parë, ish-Kryeministri Sali Berisha publikoi një video, për të cilën tha se është momenti kur është tentuar ti bëhet atentat Salvador Kaçajt, ditën e zgjedhjeve të 14 majit.
Berisha solli videon nga momenti kur Kaçaj shpëton nga atentatorët, falë manovrimit nga shoferi i tij.
“Aktet horror në farsën elektorale të 14 majit, mbeten dëshmi flagrante e asaj që kemi thënë se në këtë farsë, krimi u shndërrua në votë dhe vota në krim
Me datën 14 maj, këtu së bashku kam denoncuar atentatin e dështuar, të organizuar nga bandat kriminale, ndaj ish-kryetarit të Bashkisë së Shëngjinit, njërit prej futbollistëve më të shquar të vendit, demokratit Salvator Kaçi, i cili po kalonte së bashku me të birin, po udhëtonte, dhe banditë të armatosur i dalin përpara për ta ekzekutuar, por një manovrim i shpejtë i shoferit, e bëri të pamundur aktin e tyre kriminal”, tha Berisha.
Lidhur me deklaratën e ish-Kryeministrit ka reaguar kryebashkiaku socialist i Lezhës, Pjerin Ndreu.
Ky i fundit i cilëson deklaratat dhe videon e publikuar si një “fantazi idiote” të matrapazëve politikë. Ai thotë se Salvador Kaçaj nuk ka asnjë peshë dhe ndikim elektoral në Lezhë, ndër të tjera, ndaj askush nga PS-ja nuk kishte përse t’i organizonte atentat.
“[…] ne nuk mbajmë përgjegjësi për ndonjë incident personal, në oren 18:30 kur historia e votimeve ishte në fund! Të “vrasësh” Salvadorin në mbyllje të kutive, është kulmi i fantazisë idiote që duhet të degjojmë ne për të tillë matrapazë politike”, shkruan kryebashkiaku i Lezhës.
Më tej, Pjerin Ndreu aludon se e gjithë ajo që ai e quan farsë për t’iu veshur politikisht PS, mund të jetë sajesë e vetë Salvador Kaçaj.
“E fundit, e neveris gjithë këtë farsë turpi dhe qesharake të stisur dhe veshur politikisht PS, kur nuk ka asnjë arsye, motiv e as logjike! Pse te mos mendoj se është sajesë e Salvadorit atëherë?! Sepse nuk më lidhet “dëshira” e Salvadorit për të fituar doktori me “frikën” tone se na bëka dam të madh ky mashtruesi i njohur publikisht?!”, shkruan Ndreu.
