Ajo shfaqet rrallë e shoqëruar me dikë tjetër, përveç bashkëshortit dhe fëmijëve. Dhe tani, Victoria Beckham pranon se “nuk ka shumë miq”, por thotë se nuk ndihet kurrë vetëm.
Tashmë stiliste, ish pjestarja e Spice Girls ka folur për Elle, teksa pak ditë më parë festoi dhe ditëlindjen e saj. “Nuk jam kurrë vetëm. Nuk kam shumë miq, por jam e rrethuar nga njerëz me të cilët dua të rri”, thotë ajo.
Bekcham thotë se nga fëmijëria ka kontakte me vetëm pesë persona por shton se mezi gjen kohën për t’i takuar.
“Mendoj se një mik i mirë e mirëkupton faktin se nuk mund ta takosh aq shumë sa dëshiron, pasi edhe ata janë të zënë. Miqtë e mi kanë një karrierë dhe një familje”, thotë Victoria.
