Tre ditë para skadimit të afatit për aplikimet për organet e reja të Vettingut, Avokati i Popullit, ka deklaruar se institucioni që po menaxhon këtë proces, ka pritur ditët e fundit dhjetëra juristë që kanë dorëzuar dosjen.
Ndërkohë, ekspertët e Avokatit të Popullit po japin ndihmën e nevojshme për plotësimin e saktë të dosjeve të secilit kandidat që mund të ketë mangësi.
“Të kandidojnë masivisht, sikurse po ndodh në këto momente dhe i sigurojmë që institucioni i Avokatit të Popullit, jo vetëm përmes webit, por unë personalisht dhe stafi jemi këtu deri në momentin e fundit, çdo ditë nga 8 e 30 e mëngjesit deri në 8 e gjysmë të darkës, deri të enjten që është dhe afati i fundit”, tha Totozani.
Të hënën Bashkimi Europian, ashtu si Ambasada e Shteteve të Bashkuara më herët, iu bënë thirrje të gjithë juristëve që të regjistrohen.
