Kryeprokurori Adriatik Llalla theksoi se procesi i vetting-ut pritet të fillojë së shpejti me përzgjedhjen e strukturës së posaçme.
Nga qyteti i Shkodrës, Llalla tha se në drejtësi ka mjaft risi të reja dhe për prokurorinë, duke shtuar se ky proces nuk mund të përdoret nga askush për të imponuar prokurorët në vendimmarrje.
“Procesi i vetting-ut nuk mund të përdoret nga askush për t’i imponuar prokuroreve në vendimarrjet e tyre. Të gjithë prokurorët duhet të vënë në dijeni Prokurorin e Përgjithshëm mbi rastet e procedimeve penale në këtë periudhë”, tha Llalla.
“Ajo që fshihet lidhur me volumin e punës dhe ngarkesën e veprave penale, me shumë raste janë rastet e kultivimit të bimëve narkotike. Zbulimi i rasteve është i ulët. Ka raste të shpërdorimit të detyrës. Punonjës shtetërorë abuzojnë me detyrën”, theksoi Llalla.
