Një i ri është vetëplagosur me armë zjarri në Kurbin. Mësohet se 26-vjeçari Armond Marashi është paraqitur rreth orës 23:15 së të mërkurës në spitalin e Kurbinit për të marrë ndihmë mjekësore.
Pas mbërritjes në spital, policia doli në përfundimin se i riu është vetëplagosur aksidentalisht në këmbë me armë zjarri në banesën e tij.
Njoftimi i policisë:
Rreth orës 23:15 të mbrëmjes së djeshme, në spitalin e Kurbinit është paraqitur për ndihmë mjekësore një 26-vjeçar, i cili ishte plagosur me armë zjarri.
Menjëherë pas marrjes së njoftimit, Policia dhe grupi hetimor kanë shkuar në vendngjarje dhe nga hetimet rezultoi se 26-vjeçari ishte vetëplagosur aksidentalisht në këmbë, me armë zjarri, në banesën e tij.
Në cilësinë e provës materiale është sekuestruar arma tip pistoletë, më të cilën është vetëplagosur ky shtetas.
Në vijim të veprimeve, Policia e Kurbinit ka bërë arrestimin në flagrancë të shtetasit A. M., 26 vjeç, banues në Kurbin, për veprën penale “Armëmbajtja pa leje”.
Materialet iu referuan Prokurorisë së Rrethit Gjyqësor Kurbin, për veprime të mëtejshme.
