Pesë persona u arrestuan pasi një tifoz i Manchester City është në koma pas një sulmi nga tifozët e Club Brugge në Belgjikë. Guido De Pauw, 63 vjeç, është në gjendje të rëndë pasi u përpoq të merrte shallin e tij nga një tifoz i Brugge në një stacion shërbimi në Drongen.
Sulmi erdhi të martën mbrëma pas fitores 5-1 të Manchester City ndaj klubit belg në Champions League. 63-vjeçari, anëtar i klubit të mbështetësve të Citizens, ishte duke shkuar për në shtëpi kur ndaloi në stacionin e shërbimit. Djali i De Pauw, Jurgen tha për Manchester Evening News: “Ai është në gjendje kome dhe në gjendje kritike”. 63-vjeçari u sulmua në një parking për shkak të shallit që belgët ia morën si trofe dhe u godit dhunshëm në kokë. Ai tani është në gjendje të rëndë në spital, ndërsa janë arrestuar 5 tifozë belgë.
