Protestat masive për rritjen e çmimeve kanë shpërthyer në të gjithë Shqipërinë për të kulmuar me Tiranën, por ndonëse kjo rritje i impakton të gjithë, më të rezervuar janë treguar qytetarët e Gjirokastrës.
Për gjirokastritët ekzistojnë mjaft meme duke i etiketuar ata si njerëz kurnacë, e në fakt ky etiketim nuk i ndahet as në protesta pasi vetëm pesë qytetarë kanë dalë në shesh për rritjen e çmimeve.
Një qytetar nga vetë Gjirokastra u shpreh: A kanë faj njerëzit tani? Ne edhe në protestë dalim me kursim!
Edhe pasditen e sotme në orën 17:00 është thirrur një protestë tjetër përpara Kryeministrisë, ku kujtojmë se fillimisht këto protesta nisën kundër çmimit të naftës që arriti shifra rekord në 260 lekë për litër dhe më pas kundër rritjes së çmimit dhe për produktet e tjera të shportës.
