Një 35-vjeçar nga fshati Samaticë nē bashkinë Dimal i ka dhënë fund jetës. Mësohet se ai ka pirë fostoksinë. 35-vjeçari është gjetur i shtirë në dysheme nga familjarët, të cilët e kanë transportuar në Spitalin Rajonal Berat, në gjendje të rëndë.
Dashnor Oshafi ka ndërruar jetë 2 orë pas mbërritjes në spital dhe trupi i pajetë është dërguar në morgun e Spitalit të Beratit, ku do ti nënshtrohet ekspertizës mjeko-ligjore.
Oshafi është një fermer në Samaticë, aktivist i njohur për të drejtat e fermerëve dhe i pranishëm në çdo protestë.
Po ashtu ai është edhe një person me precedent kriminal, i arrestuar në vitin 2016, pasi Gjykata e Napolit në Itali kishte caktuar për të masën e sigurisë “arrest me burg” për veprat penale “Grup i strukturuar kriminal”, “Shfrytëzim prostitucioni”, “Trafikimi i qenieve njerëzore” dhe “Emigracion i paligjshëm”.
Ende nuk dihen shkaqet dhe rrethanat që e kanë detyruar 35-vjeçarin ti jap fund jetës, duke u vetëhelmuar.
