26 banesa nga 570 të dëmtuara nga lëkundjet e tokës në fshatin Zharrëz janë të pabanueshme.
Bashkia e Patosit ka konfirmuar shifrën nga komisioni i ngritur për konstatimin e dëmtimeve të banesave në këtë zonë pas verifikimeve të përmbyllura në 470 banesa.
Kryebashkiakja e kësaj bashkie, Rajmonda Balilaj tha se të dhënat e dokumentuara do i dërgohen qeverisë e cila më pas do të vlerësojë si do vijojë zhdëmtimi i familjeve të prekura.
Balilaj pohoi se ndërsa vijon puna në terren do kërkojnë dëmshpërblim në masën 100%.
“Në 10 vitet e fundit dyshimet se injektimi i ujit teknologjik në shtresat gëlqerore shkakton lëkundje, qeveria i është përgjigjur me masa konkrete duke nxjerrë urdhërin e pezullimit të injektimit të ujit në shtresë. Ekspertët më të mirë për të dhënë ekspertizën e duhur nëse industria e naftës ka ndikim në gjeologjinë e zonës.”-shtoi kryebashkiakja.
