Tridhjetë e gjashtë palestinezë janë plagosur në përleshjet me forcat izraelite në ditën e gjashtë të protestave në Bregun Perëndimor të okupuar kundër vendimit të Shteteve të Bashkuara të Amerikës për ta njohur Jerusalemin si kryeqytet të Izraelit.
Mësohet se 36 të plagosur nga ndërhyrjet e ushtarëve izraelitë me gaz lotsjellës dhe plumba të vërtetë dhe të gomës në Ramallah, Tulkerm dhe rajone të tjera të Bregut Perëndimor.
Forcat izraelite kanë ndërhyrë edhe në protestat në hyrje të Betlehemit po ashtu me gaz lotsjellës dhe plumba të vërtetë dhe të gomës. Protestuesit palestinezë u përpoqën të kundërpërgjigjen me gurë dhe goma të djegura të automjeteve.
Përleshje mes ushtarëve izraelitë dhe protestuesve palestinezë kanë ndodhur edhe në kampin palestinez të refugjatëve Arrub në jug të Betlehemit dhe në qytezën Sair në jug të El Halilit.
