Këshilli i Ministrave pritet të miratojë këtë të mërkurë rritjen e pagës minimale nga 22 mijë lekë, që është aktualisht, në 24 mijë lekë. Aplikimi i pagës minimale për efekt të kontributeve të Sigurimeve Shoqërore është i detyrueshëm si për sektorin privat edhe atë publik.
“Besoj se këtë të mërkurë, në mbledhjen e radhës së qeverisë, do të kemi aprovimin e pagës minimale në nivelin 24 mijë lekë. Është e konsultuar me sipërmarrjen, me shoqatat e punëmarrësve, e gjithashtu me shoqatat e punëdhënësve”- tha ministri i Financave, Arben Ahmetaj.
