Kreu i Grupit Parlamentar të PS-së, Taulant Balla nuk e ka fshehur zhgënjimin për vendimin e Kushtetuese ndaj presidentit Ilir Meta. Duke iu përgjigjur akuzave të opozitës, Balla shprehet se nëse maxhoranca do e kishte në dorë drejtësinë, Gjykata Kushtetuese do të kishte shkarkuar presidentin Ilir Meta.
Nga Kuvendi, Balla deklaroi se sipas tij nuk ka shqiptar që të mos mendojë se Meta duhet të ishte shkarkuar, ku kërkoi nga opozita që të tërheqë të gjitha akuzat se qeveria ka kapur Reformën në Drejtësi.
“Gjykata Kushtetuese, natyrshëm ka rrëzuar sipas tyre një vendim të Kuvendit të iniciuar nga kjo maxhorancë. Nëse do kontrollonim reformën në drejtësi do kishim kontrolluar reformën në drejtësi do kishim në dorë Gjykatën Kushtetuese. Nëse do kontrollonim Gjykatën Kushtetuese do ishte shkarkuar Ilir Meta se nuk ka shqiptar dhe shqiptare në këtë vend që nuk bie dakord që Ilir Meta duhej shkarkuar. Por ka vendosur gjykata, nuk komentohet. Në këtë aspekt. Dashi ç’ke, pse flet. Dua të tërhiqni mbrapsht çdo akuzë që keni thënë se në këtë vend se ne kemi kapur drejtësinë. 150 ditët e mbetura në detyrë, nuk ia drejtojnë figurën qesharake. Meta do ikë pas 150 ditësh, mirë do ishte të ikte që sot. Më vjen mirë që opozita qenka bashkuar prapë”, tha Balla.
