Gjatë inspektimit të shkollës së re 9-vjeçare të fshatit Mihajas në Bërzhitë, në kufi me qarkun e Elbasanit, kryebashkiaku Erion Veliaj tha se investimi është njësoj si brenda në Tiranë, duke bërë një shpërndarje të mirë të investimeve në të gjithë bashkinë.
“Këtu jemi në pikën më periferike të Tiranës ku ndahemi me Elbasanin, ama parimi është ky: nëse e ke emrin në Tiranë, duhet të trajtohesh njësoj si gjithë të tjerët dhe nuk duhet të ketë më distancë midis atyre që jetojnë në qendër apo në Unazë dhe atyre që janë në Krrabë, Bërzhitë, Zall-Herr, Zall-Dajt apo Zall Bastar”, tha Veliaj.
Veliaj theksoi se përveç shkollës, Bashkia e Tiranës do të vijojë edhe me rrugën, ndërsa shprehu nevojën për të ndërmarë disa nisma që do ta lidhnin më shumë këtë zonë me tregun e Tiranës, çka do të stimulonte prodhimin bujqësor, por edhe do të sillte një rritje të ekonomisë lokale.
