Giulia Zedda ka ndërruar jetë në maj të këtij viti në moshën 10-vjeçare. Ajo teksa po jetonte sekondat e fundit të jetës në krahët e prindërve të saj, ka lënë një testament.
Giulia u ka kërkuar prindërve që të gjitha lodrat e saj t’u jepen fëmijëve të varfër. Pas katër viteve luftë me tumorin, këto Krishtlindje Giulia nuk do të jetë edhe vetë e pranishme për të dhuruar lodrat, siç ka bërë përherë.
Por falë shpirtit të kësaj vajze, edhe pse Giulia nuk jeton më lodrat e saj do t’i gëzojnë fëmijë të varfër që kanë fatin të jenë të shëndetshëm.
