Një ngjarje e rëndë ka ndodhur një ditë më parë në njësinë Guri i Zi, pjesë e bashkisë Shkodër. Një 10-vjeçar me inicialet N.Y ka humbur jetën në mënyrë aksidentale, pasi po tentonte të bënte një video sikur po vetëvritej me qëllimin për ta hedhur në rrjetin social Tik Tok. Në bankën ku ulej 10-vjeçari, bashkemoshataret e tij vendosën nje buqetë me lule në kujtim të shokut te tyre.
Mësuesja e 10-vjeçarit e përshkruan atë si një nxënës shembullor me tipare lideri dhe që asnjëherë nuk ka shfaqur probleme. Sipas saj edhe komunikimi me familjen ka qënë shumë i mirë.
Përdorimi pa kriter i celularit edhe pse ne shkolle është i ndaluar është fenomen qe ndodh rëndom tek fëmijët e kësaj moshe. Psikologia e shkollës thote se fëmijët bien shpejt pre e rrjeteve sociale ndërsa kujdesi ndaj qasjes ne internet duhet te jete edhe me i shtuar përveçse nga institucionet arsimore ashtu edhe nga prinderit.
