Ka ndërruar jetë në spital 89-vjeçari Çaush Sheha që u dhunua dhe u grabit me armë në Mallakastër, ndërsa ditën e sotme janë arrestuar dy autorët e dyshuar. I moshuari ka ndërruar jetë në spital, pasi nuk u mbijetoi dot plagëve të marrë nga dy të rinjtë.
Këta të fundit, të identifikuar si Ervis Halimi dhe Musa Gudo, nën kërcënimin e armës grabitën me dhunë të moshuarin, duke i marrë vetëm 5000 lekë të reja, ndërsa tani mbi ta rëndon dhe akuza e vrasjes.
Gjithashtu, policia njoftoi më herët se u procedua penalisht në gjendje të lirë F. Ç., 16 vjeç, banues në Roskovec, për veprën penale “Moskallëzimi i krimit”.
Në cilësinë e provës materiale u sekuestrua arma e zjarri tip automatik me një krehër me fishekë me të cilën dy të rinjtë terrorizuan të moshuarin.
