Me 76 vota kundër maxhoranca ka rrëzoi dekretin e presidentit Ilir Meta, atë të “Tatimit mbi të ardhurat”. Kreu i shtetit ktheu dekretin për këtë ligj duke pretenduar se shkelte barazinë fiskale me aksionerët. Në dekret, presidenti thekson se nenet 9, që përcakton uljen e tatimit të dividentit nga 15 në 8% dhe nenit 11 që përcakton hyrjen e fuqi te ligjit, bien ndesh me kushtetutën e vendit.
Kreu i Grupit Parlamentar në Lëvizjen Socialiste për Integrim Petrit Vasili në një intervistë për Fax News ka deklaroi se nuk është rrëzuar dekreti i Presidentit, është rrëzuar Parlamenti, pasi është rrëzuar në mënyrë antikushtetuese, është dhunuar Parlamenti.
“Ju duhet ta dini që formalisht dekreti i Presidentit ka ardhur në 12 e gjysmë të drekës. Është bërë një mbledhje e rrufeshme në një vrimë të Kuvendit në orën 7 dhe është sjellë për votim në orën 10. Sapo vjen dekreti i Presidentit, ai bëhet pjesë e Parlamentit dhe shkon që të punohet në komisionet përkatëse. Dhe asnjë gjë nuk futet dot në sallën e Parlamentit, pa u depozituar 48 orë përpara. Asgjë nuk mund të futet. Pse 48 orë përpara, i jepet kohë për tu njohur, për të njohur deputetët, për të përgatitur amendamentin në qoftë se kanë.”- u shpreh Vasili.
Vasili shprehet se është shkelur Kushtetuta dhe se me mirëkuptim më njëri-tjetrin, qeveri-oligarki, oligarkët nuk kanë ndarë dividentit, e kanë mbajtur pa ndarë duke deklaruar bilance të rreme.
“Këtu është shkelur Kushtetuta sepse në mirëkuptim me njeri-tjetrin, qeveri-oligarki, oligarkët nuk kanë ndarë dividentit, e kanë mbajtur pa ndarë duke deklaruar bilance të rreme. Tani që qeveria u bën këtë favor, dhuratë shumë të madhe ata deklarojnë dividente dhe sigurisht këtë copën me 7%, i japin dhe një dhuratë të majme qeverisë që të mbushë xhepat e saj. Pra kemi tre elemente. Një rrëzim banditesk në Parlament. I cili është një vepër e mirëfilltë penale se ka shpërdorim detyre. Llogarisni që medemek edhe relacioni i Komisionit të Ligjeve dhe kërkesa e Grupit Parlamentar për ta votuar qenkan protokolluar në nëntë të darkës në zyrat e Kuvendit. Ju e dini që zyrat e Kuvendit mbyllen sepse kanë orar. E dyta kanë miratuar një ligj antikushtetues të cilin dekreti i Presidentit e evidenton qartë që është shkelur Kushtetuta pasi nuk mund të ndodhë kjo gjë.E treta gjithçka që Edi Rama ka thënë që kush punon më shumë paguan më shumë sot është rrënuar.”-shton Vasili.
