Nënkryetari i LSI-së Petrit Vasili ka deklaruar se fitoret e pakërkuara të Ilir Metës janë kaq të qarta sa dhe dokrrat e akaparuara të ndonjë trakti Venecian, që kishte qëllim të vetëm krijimin e alibive për krimin politiko elektoral të 30 qershorit, i vunë akoma më mirë në dukje këto fitore.
Në mesazhin e tij në Facebook, Vasili tha se Meta duke u vendosur vetëm në krah të Kushtetutes ka fituar pa e kërkuar rolin e mbrojtësit të vetëm të shtetit ligjor.
Reagimi i plotë
Fitoret e pakërkuara të Ilir Metës!!
Sot në Shqipëri beteja për mbrojtjen e shtetit ligjor, pra integritetit të zbatimit të ligjshmërisë udhëhiqet vetëm nga Ilir Meta. Në një shtet normal të së drejtës, zbatimi i ligjit është detyrë edhe e qeverisë dhe çdo organi të pavarur. Por realisht në shtetin e kapur e të kriminalizuar gjer palce të Edi Ramës ndodh e kundërta, pra ligji nuk ekziston, shkelët dhunohet nga vetë qeveria, pra ligjet nuk mbrojnë asgjë dhe askërkënd.
Në sajë të integritetit të tij Ilir Meta duke u vendosur vetëm në krah të Kushtetutes e ligjit ka fituar pa e kërkuar rolin e mbrojtësit të vetëm të shtetit ligjor në Shqipëri. Për shkak te nje kryeministri te marrë si ky yni, pluralizmi ne Shqiperi si themeli i shoqerise demokratike, që lind përmes votës së lirë dhe zgjedhjes mes alternativave ka marrë goditjen më të rëndë.
Synimi i vetëm i Edi Ramës ka qënë vetëm një: asgjësimi i votës së lirë shndërimit të saj në një formalitet të kontrolluar tërësisht nga qeveria dhe krimi.
Ilir Meta besnik i parimeve të tij ka bërë gjithshka duke mbrojtur votën e lirë dhe garën e alternativave,duke mbrojtur në këtë mënyrë themelin e demokracisë.
Raporti i OSBE-ODIHR vulosi qartë dhe pa asnjë ekuivok këtë rol të shkelqyer të presidentit. Asnjë trakt Venecian nuk mund ti japë alibi 30 qershorit mund të dalë mbi gjykatësin e vetëm të zgjedhjeve që është OSBE-ODIHR. Sërish edhe në këtë betejë të madhe Ilir Meta ka marrë një tjetër fitore të madhe të pakërkuar duke mbetur i vetmi nder institucionet e këtij vendi që sakrifikon gjithshka në këtë betejë për votën e lirë dhe pluralizmin. Mungesa e votës së lirë dhe shtetit ligjor ka polarizuar ekstremisht politikën dhe shoqërine duke e rritur tensionin social deri në nivele shpërthyese,kjo ka tronditur edhe sigurinë publike, e cila është bazamenti me jetik për qytetarët dhe biznesin në përditshmërinë e tyre.
Edi Rama në babëzinë e tij për të bërë zgjedhje pa opozitën dhe për tja dhuruar pushtetin krimit e tronditi sigurinë publike në ato nivele ku situata mund të precipitonte në mënyrën me shkatërrimtare. Ilir Meta sërish sajë i integritetit të tij me shtyrjen e zgjedhjeve bëri një veprim madhor në mbrojtje të sigurisë publike,të ekulibrave shume të brishtë të vendit dhe qetësisë së qytetarëve. Sërish ai dhe presidenca e tij ishin i vetmi institucion që e bëri këtë. Ndërsa Edi Rama ishte i vetmi që kërkonte një destabilizim të sigurisë publike me qëllim fajësimin dhe pas goditjen e opozitës për të bërë alibinë e krimit zgjedhor. Ilir Meta mori serish një fitore të pakërkuar edhe në këtë drejtim.
Në kontrast me këtë realitet shumë të qartë e të faktuar shfaqen qesharake edhe përpjekjet e ndonjë trakti Venecian që mori atributet e një trupë policore dhe që u përpoq mjerueshëm ti krijonte alibi politikës kriminale të Edi Ramës duke dalë hapur kunder sigurise publike te Shqiperise dhe shnderrimit te saj ne nje shesh civil lufte me pasoja shkatërrimtare. Ndërkohë që integrimi europian bën hapa të rëndë pas për shkaqet e mësipërme Ilir Meta sërish ka qënë i vetmi institucion ka bërë gjithshka që të integrimi të mos ndalej dhe te elimnoheshin ato faktore të rëndë që pengonin përparimin e tij .
Duke insistuar se suksesi i integrimit arrihet me veprime dhe jo me fjalë shtyrja e zgjedhjeve nga Ilir Meta në funksion të mesazhit pozitiv që do të jepej në funksion të integrimit ishte sërish nje veprim i madh. Në të kundërt Edi Rama në 30 qershor bëri votime moniste që damkosen keqas Shqipërinë dhe i bllokuan asaj i integrimin europian.
Ilir Meta sërish mori një fitore të pakërkuar si kampioni i vetëm institucional në Shqipëri në favor të integrimit dhe hapjes së negociatave. Këto fitore të pakërkuara,por shumë të mëdha të Ilir Metës, të përjetuara në mënyrë të përgjegjshme dhe me modesti prej tij kanë mbajtur gjallë shpresën në Shqipëri, kanë lënë rrugë të hapura dhe kanë evituar tragjedi. Këto fitore të pakërkuara por vërtet të mëdha Ilir Meta i ka përjetuar pa asnjë triumfalizëm,por me vënien para vetës të shumë sfidave të reja për ta mbrojtur Shqipërinë e dobët e më shumë halle.
Sigurisht majmuneria rilindase është kacavjerrur nëpër deget e pemës se krimit që ti zbëhe këto fitore, por jo vetëm nuk ja ka harritur por përkundrazi ka çjerre të pasmet dhe ashtu si majmunet që i kanë të rjepura edhe këta kanë nxjerrë veten lakuriq në qëllimet e tyre të zeza antishqiptare.
Fitoret e pakërkuara të Ilir Metës janë kaq të qarta sa dhe dokrrat e akaparuara të ndonje trakti Venecian, që kishte qëllim të vetëm krijimin e alibive për krimin politiko elektoral të 30 qershorit, i vunë akoma më mirë në dukje këto fitore.
