Ministrat e shëndetësisë të G7 ditën e hënë do të mbajnë një mbledhje urgjente ku pritet që të diskutojnë rreth variantit Omicron të koronavirusit.
G7 përbëhet nga Kanadaja, Franca, Gjermania, Italia, Japonia, Britania e Madhe dhe SHBA, dhe aktualisht Mbretëria e Bashkuar mban presidencën.
Ky takim vjen në një kohë kur varianti i ri i virusit është zbuluar në Britani, Gjermani dhe Itali, ndërsa ministri francez i shëndetësisë u shpreh të dielën se ky mutacion ka të ngjarë të jetë duke qarkulluar edhe në Francë.
“Nuk ka ende asnjë rast, por është çështje orësh”, tha Olivier Veran.
