Doktor Ilir Pecnikaj ka qenë i ftuar ditën e sotme në një intervistë për Fax News, për të folur mbi situatën pandemike në vendin tonë.
Teksa u pyet për variantin Delta dhe ndikimin e tij në numrin e rasteve të reja, doktor Pecnikaj e quajti normale një rritje të rasteve për shkak të këtij varianti pasi e njëjta gjë po ndodh dhe në vende të tjera të Europës.
“Para disa ditësh, një nga anëtarët të ashtëquajturit të ekspertëve, bëri thirrje që të bëjmë sa më shumë teste. Për të treguar që puna e ekspertëve ka qenë zero. Nëse shihni çdo ditë kemi pasur rreth 3000 teste në ditë. Zotëria në fjalë bën thirrje që njerëzit me shenja të bëjnë testin. Para disa kohësh kam denoncuar që testet po bëhen nga shqiptarët që po shkojnë për turizëm. Pjesa dërrmuese e tyre që lëshohen në aeroporte, porte janë fallso. Është bërë një strukture që po vjedh xhepat e shqiptarëve. Askush sot nuk e di saktë numrin e të infektuarve. 20 të infektuar në 2400 teste nuk bën test, sepse siç de dijnë të gjithë ekspertët, 0.5% është fallso pozitiviteti. Ky numër që publikon Ministria nuk ka pasur asnjëherë vlerë. Do të shtohen numrat për hir të mutacionit Delta dhe kjo është e pritshme”, tha ai.
Për sa i përket rrezikshmërisë së këtij varianti, doktori u shpreh se duhet që të përshtatet dhe të ketë një bashkëjetesë me njeriun në mënyrë që rrëzikshmëria e tij të zhduket.
“Virusi është mutacion i Covid-19, siç janë dhe mutacionet e tjera. Do kemi mutacione të tjera në vazhdim. Presim që ky virus të ketë shumë mutacione të tjera. Duhet të përshtatet me njeriun që të ketë një bashkëjetesë me njeriun. Por mutacioni Delta që po përhapet me shpejtësinë më të madhe, dhe efikasiteti i vaksinave ka rënë. Në Shqipëri vazhdon të përdorët Sinovac, një vaksinë që nuk njihet nga Komuniteti europian akoma”, u shpreh doktori.
Më tej Ilir Pecnikaj foli dhe për fatin e vaksinave Pfizer që vijnë në vendin tonë por që nuk aplikohen për masen e gjërë të popullsisë. Sipas doktorit, me shumë gjasa kryeministri ka bërë ndonjë plan për to.
“Nuk do të ishte surprizë e madhe që vetë Kryeministri të ketë menduar diçka tjetër për këtë vaksinë”, theksoi ai.
Një tjetër çështje e rëndësishme është dhe vaksinimi i fëmijëve. Dojtori Pecnikaj u shpreh kundër vaksinimit të popullsisë nën 18 vjeç, sepse ata janë shumë të mbrojtur nga virusi.
“Çdo ditë e më tepër, për hir të keqmenaxhimit botëror, jo vetëm në Shqipëri , është shtuar shumë Novac. Pra ajo pjesa e personave që nuk duan dhe kundërshtojnë çdo ditë për të mos bërë një vaksinë. Ne kemi parë që nën 18 vjeç është shtresa më e mbrojtur, ka pasur më pak të sëmurë dhe viktimat kanë qenë tepër të rralla. Janë mosha më e mbrjtur nga virusi dhe jam kundër vaksinimit të këtyre moshave“, përfundoi ai. /faxweb
