Dikur njerëzit silleshin me forcë në kampin e internimit në Torovicë, ndërsa sot banorët e varfër nga veriu e kanë zgjedhur atë si strehë të tyren, shkruan Deutche Welle duke sjelle fotot nga kjo strehe banimi.
Situata e varfërisë është më e rëndë në zonat malore të Shqipërisë. Sipas statistikave zyrtare të INSTAT për vitin 2012, 15,3% e popullsisë së zonave malore jetojnë në varfëri, ndërsa 1,3% në varfëri ekstreme. Ndërkohë që në rang kombëtar 14,3% jetojnë në varfëri, ndërsa 2,2% e popullsisë së Shqipërisë jeton në varfëri ekstreme.
Me ardhjen e dimrit të jetosh në këto kushte bëhet akoma më e vështirë. Por familjet që kanë gjetur strehë në ish-kampin e internimit të Torovicës s’kanë rrugë tjetër e kjo mbetet e vetmja alternativë mbijetese.
Shqipëria vendi më i varfër në Europë:
Në raportin e fundit në lidhje me prodhimin e brendshëm për frymë të publikuar nga Eurostat thuhet se Shqipëria vijon të jëtë vendi më i varfër në Europë. Duke iu referuar këtij raporti, Shqipëria për vitin 2013 është në vendin e fundit në këtë renditje. Shqipëria është shumë më poshtë se mesatarja europiane.
Ne foton me poshte; Dile Sherri ,74 vjeç, ndjez zjarrin në shtëpinë e saj. Ajo thotë se shpresat e tyre për një jetë më të mirë kanë marrë fund dhe e konsiderojnë veten sikur jetojnë ende në një kamp internimi, të papunë dhe me shumë vështirësi arrijnë t’ia dalin deri në fund të muajit.
