Shpat Kasapi është një ndër emrat më të njohur në vendin tonë. Ai ka sjellë për publikun hite muzikore të cilat dëgjohen ende edhe sot.
Këngëtari ka qenë dhe një ndër meshkujt më të preferuar nga vajzat dhe mjaft i përfolur në mediat rozë. Por vitet e fundit Shpati nuk a qenë dhe aq aktiv në muzikë ku iu është përkushtuar më shumë familjes së tij dhe prindërimit.
Së fundmi artisti ka qenë i ftuar në “Pardon My French” ku ka folur për jetën personale dhe ka kujtuar me nostalgji nisjen e karrierës së tij muzikore.
Këngëtari u shpreh se personi që e ka kthyer drejt muzikës ishte babai i tij dhe lidhja që kishte me grupin e njohur “Elita 5”.
“Jo nëna por babi ka qenë ai që është marrë me muzikë. Babai im ka qenë menaxher dhe shpërndarës i kasetave të grupit “Elita 5” njëkohësisht i ndihmonte kur kishin koncerte. Kur ata bënin albumin “Al Capone” në atë kohë i bënin provat tek shtëpia ime. Unë vetëm sa kisha filluar të këndoja në shtëpi me veten dhe kur filluan provat “Elita 5”, babai më merrte shpesh. Babai kishte bindjen tek unë dhe më thoshte shikoji. Aty duke dëgjuar dhe duke u inspiruar, frymëzuar fillova.”-tregoi ai.
Më tej, ai ka kujtuar me nostalgji dhe kohën kur nisi karrierën muzikore teksa ndau dhe disa detaje nga ‘fama’ e madhe që kishte:
“E kujtoj me nostalgji (kohën), por nuk e kujtoj shpesh. Në atë kohë jam mërzitur nga fama shumë. Ka qenë një periudhë që nuk e kishim lirinë, atë privatësinë tonë. Nuk është ajo që unë dua tani. Nuk është ajo që dua tani, nuk është jetë për mua. Më shumë dua ta shikoj muzikën si biznes. Jam lodhur shumë. Vinin tek dera e shtëpisë, nuk më linin të flija, vinte e gjithë klasa apo shkolla. Harroja kur bija të flija kur kisha koncerte, zbrisja poshtë në dyqan të bilja diçka dhe kishte foto dhe puthje andej-këtej”.
I pyetur nëse e ka menduar të rikthehet në muzikë, Shpati u shpreh se për momentin nuk e gjen ende veten se çfarë stil muzike dëshiron të bëjë dhe duhet të ndryshoj diçka nga vetja.
“Nuk e shikoj veten (të rikthehet) sepse e kam shumë të vështirë të vendos për një stil muzike që unë dua ta bëj tani në vitin 2023, por mendoj të ndryshoj diçka nga vetja, por nuk e di sepse me këtë prodhim këngësh që po ecën këtu është shumë vështirë”- rrëfeu Kasapi.
Shpati tashmë është bërë dhe baba i një djali me partneren e tij Selvijen. Për jetën e tij si prind artisti tregoi: “Unë jam një njeri me vizione, por fëmija më ka ndryshuar shumë. Më ka rigjeneruar energjinë e brendshme, më ka plotësuar shumë. Jam shumë i lumtur. Përkujdesem, e ushqej, e marr në prehër”.
Kryefjala e mediave këto ditë ka qenë nisja e edicionit të dytë të “Big Brother Vip’, ku shumë emra janë përfolur se do të jenë pjesë e spektaklit. I pyetur nëse do të merrte pjesë në realiy-shown, ai tha:
“Mendoj që nuk është për mua një ‘reality show’ sepse unë jam një tip që nuk dua të ngacmohem shumë, flas shumë shkurt dhe kur ta pres mendoj se mund të zihem me dikë që më ngcmon. Ndërsa këto lloj ‘show’ janë gjithë ngacmime, ndooshta ju e keni bindjen ndryshe. Nuk jam tip për aty.
