Guvernatori Rick Scott, nëpërmjet një konference për shtyp i ka kërkuar të gjithë banorëve që të evakuohen pasi uragani Irma ka prekur jugun e Floridës.
Scott e cilëson stuhinë vdekjeprurëse dhe të pa parë ndonjëherë më parë në Florida.
Guvernatori i Floridas u ka kërkuar njerëzve që të mos presin asnjë minutë për të nisur evakuimin, pasi priten përmbytje të mëdha, ndërsa ka njoftuar se shumica e njerëzve do të mbesin edhe pa energji elektrike.
“Stuhia është këtu. Era e fortë dhe shirat kanë filluar të godasin jugun e Floridës. Evakuohuni që tani, jo pas një dite jo pas një ore, tani!
Kjo është një stuhi vdekjeprurëse, dhe shteti ynë kurrë nuk ka parë ndonjë gjë të tillë“, ka thënë Guvernatori.
