Prej vitesh Ura e Tapizës kërkon ndërhyrje emergjente. Alarmi është vënë prej kohësh për dëmet në këtë urë të cilat janë të dukshme.
Në këtë segment edhe pse u vendos një tabelë orientuese për shoferët, ajo ka rënë dhe nuk është marrë askush më për ta vendosur në hyrje të urës që mezi qëndron mbi këmbët e saj.
Drejtuesit e mjeteve, por dhe qytetarët kërkojnë ndërhyrje urgjente, pasi kalimin në këtë segment e shohin me rrezik.
“Ura e Tapizës është problematike. Nuk është marrë asnjë masë për të dhe një ditë do të bëhet gjendje katastrofave. Ura e Tapizës rrezikon sepse nuk ka asnjë këmbë në stabilitet.”
Një tjetër problem janë edhe mbetjet e ndryshme, të hedhura pranë urës.
