T’i besosh fondin miliona euro një kompanie e cila e ka pronarin në kërkim për vjedhje dhe mashtrim, këtë mund ta dëgjojmë vetëm në institucionet tona publike. Dhe më keq është kur këtë shpërdorim e bën një institucion arsimor. Bëhet fjalë për një tender të zhvilluar nga Universiteti i Elbasanit me objekt “Ndërtim i Godinës së Fakultetit të Shkencave Mjekësore Teknike – FSHMT”. Për këtë godinë administratori i Universitetit Eljan Hoxha, sigurisht me aprovimin e rektorit Skënder Topi, ka firmosur projektin 7.3 milionë euro.
Ishin 15 kompani që kanë dorëzuar ofertat e tyre, ku disa ishin më ekonomike, por fituese është shpallur firma JUNIK e cila është në pronësi të Ded Malutajt. Ndërkohë, 14 oferta të tjera janë skualifikuar që në fazën e parë. Çka do të thotë se Malutaj e ka marrë tenderin pa garë.
Sidoqoftë, veprimi i komisionit të tenderit është denoncuar nga operatorët pjesëmarrës. Për këtë arsye më datë 04.03.2024 pranë Komisionit të Prokurimit Publik, është protokolluar ankesa e bashkimit të operatorëve ekonomikë “BE-IS” SHPK & “2T” SHPK & “Ergi” SHPK për procedurën e prokurimit me objekt: “Ndërtim i Godinës së Fakultetit të Shkencave Mjekësore Teknike – FSHMT”.
Nga shqyrtimi paraprak i ankesës të sipërcituar konstatohet se ankesa lidhet me vendimmarrjen e Komisionit të Vlerësimit të Ofertave mbi skualifikimin e ofertës të paraqitur nga bashkimi i operatorëve në fjalë. Ata pretendojnë se për të gjithë të skualifikuarit Autoriteti Kontraktor nuk ka dhënë argumente ligjore, ndërsa shprehen gjithashtu që nuk janë shqyrtuar me imtësi dokumentet e firmës që u shpall fituese pa garë.
Për këtë pjesë të ankesës mbetet për t’u parë vendimi i KPP, por për publikun është e qartë tashmë se drejtuesit e universitetit kanë vepruar në favor të Malutës.
Nga na tjetër, dërgimi i fondit në duart e një biznesmeni me të kaluar të dyshimtë e bën edhe më të mistershëm vendimin e administratorit.
Kujtojmë që në maj të vitit 2022, tre drejtues firmash janë akuzuar se kanë vjedhur me anë të tenderit për sistemin ngrohës dhe ftohës të godinës së Prokurorisë Elbasan. Mësohet se ata kanë montuar në Prokurorinë e Elbasanit pajisje për ngrohje dhe ftohje të cilat kanë rezultuar me defekt dhe jashtë përdorimit pasi janë instaluar, duke shkaktuar një dëm prej 3.009.714.29 leke (2,869.714.29+140. 000.00).
Bëhej fjalë për Ardian Lloshi, administrator në “Tirana New Supervizor”, Ibrahim Dragoshi administratori në “IMES-D”Shpk, të dy të arrestuar, si edhe Dedë Maluta, administrator te shoqëria “Junik” shpk. Ky i fundit është shpallur në atë kohë në kërkim.
Ded Maluta dhe Vladimir Maluta u vunë nën akuzë si persona të dyshuar për veprën penale të “Falsifikimit të dokumenteve” të parashikuar nga neni 186/2 I K.penal dhe “Mashtrimi me pasoja të renda”, parashikuar nga neni 143/3 I Kodit Penal të kryer në bashkëpunim.
Nuk e dimë nëse biznesmeni vazhdon të jetë në “arrati”, por kompania e tij po xhiron miliona euro përmes tenderëve të tillë më abuzime.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
T’i besosh fondin miliona euro një kompanie e cila e ka pronarin në kërkim për vjedhje dhe mashtrim, këtë mund ta dëgjojmë vetëm në institucionet tona publike. Dhe më keq është kur këtë shpërdorim e bën një institucion arsimor. Bëhet fjalë për një tender të zhvilluar nga Universiteti i Elbasanit me objekt “Ndërtim i Godinës së Fakultetit të Shkencave Mjekësore Teknike – FSHMT”. Për këtë godinë administratori i Universitetit Eljan Hoxha, sigurisht me aprovimin e rektorit Skënder Topi, ka firmosur projektin 7.3 milionë euro.
Ishin 15 kompani që kanë dorëzuar ofertat e tyre, ku disa ishin më ekonomike, por fituese është shpallur firma JUNIK e cila është në pronësi të Ded Malutajt. Ndërkohë, 14 oferta të tjera janë skualifikuar që në fazën e parë. Çka do të thotë se Malutaj e ka marrë tenderin pa garë.
Sidoqoftë, veprimi i komisionit të tenderit është denoncuar nga operatorët pjesëmarrës. Për këtë arsye më datë 04.03.2024 pranë Komisionit të Prokurimit Publik, është protokolluar ankesa e bashkimit të operatorëve ekonomikë “BE-IS” SHPK & “2T” SHPK & “Ergi” SHPK për procedurën e prokurimit me objekt: “Ndërtim i Godinës së Fakultetit të Shkencave Mjekësore Teknike – FSHMT”.
Nga shqyrtimi paraprak i ankesës të sipërcituar konstatohet se ankesa lidhet me vendimmarrjen e Komisionit të Vlerësimit të Ofertave mbi skualifikimin e ofertës të paraqitur nga bashkimi i operatorëve në fjalë. Ata pretendojnë se për të gjithë të skualifikuarit Autoriteti Kontraktor nuk ka dhënë argumente ligjore, ndërsa shprehen gjithashtu që nuk janë shqyrtuar me imtësi dokumentet e firmës që u shpall fituese pa garë.
Për këtë pjesë të ankesës mbetet për t’u parë vendimi i KPP, por për publikun është e qartë tashmë se drejtuesit e universitetit kanë vepruar në favor të Malutës.
Nga na tjetër, dërgimi i fondit në duart e një biznesmeni me të kaluar të dyshimtë e bën edhe më të mistershëm vendimin e administratorit.
Kujtojmë që në maj të vitit 2022, tre drejtues firmash janë akuzuar se kanë vjedhur me anë të tenderit për sistemin ngrohës dhe ftohës të godinës së Prokurorisë Elbasan. Mësohet se ata kanë montuar në Prokurorinë e Elbasanit pajisje për ngrohje dhe ftohje të cilat kanë rezultuar me defekt dhe jashtë përdorimit pasi janë instaluar, duke shkaktuar një dëm prej 3.009.714.29 leke (2,869.714.29+140. 000.00).
Bëhej fjalë për Ardian Lloshi, administrator në “Tirana New Supervizor”, Ibrahim Dragoshi administratori në “IMES-D”Shpk, të dy të arrestuar, si edhe Dedë Maluta, administrator te shoqëria “Junik” shpk. Ky i fundit është shpallur në atë kohë në kërkim.
Ded Maluta dhe Vladimir Maluta u vunë nën akuzë si persona të dyshuar për veprën penale të “Falsifikimit të dokumenteve” të parashikuar nga neni 186/2 I K.penal dhe “Mashtrimi me pasoja të renda”, parashikuar nga neni 143/3 I Kodit Penal të kryer në bashkëpunim.
Nuk e dimë nëse biznesmeni vazhdon të jetë në “arrati”, por kompania e tij po xhiron miliona euro përmes tenderëve të tillë më abuzime.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
