Ditën e nesërme nis aplikimi i maturanteve në portalin e Maturës Shtetërore matura.qsha.gov.al, për të ndjekur studimet e larta.
“Janë deri në 10 preferenca, por ata mund të plotësojnë edhe një ose dy, nuk i kushtëzon njeri, por jo më shumë se 10. Nuk ka rëndësi renditja.
Më datën 28 do të bëhet shpallja e fituesve në faqet e universiteteve, por edhe në qendrën e shërbimeve arsimore dhe në datën 29 gusht do të fillojë menjëherë edhe regjistrimi për në universitet”, thotë Rezana Vrapi, drejtore e AKP-së.
Raundi i parë do të zgjasë 14 ditë dhe ka 7 minifaza 48 orëshe.
Ndërsa raundi i dytë fillon në 15 shtator kur maturanti mund të riaplikojë duke zgjedhur edhe programe të tjera të ndryshme nga raundi i parë.
