Nga Eda Zari
“Unë kërkoj nga Bashkia: energji elektrike, ujin dhe kanalizime, të cilat funksionojnë – sa i përket kulturës, unë tashmë e zotëroj atë.”
Me këtë citim sarkastik nga Karl Kraus mund ta linim edhe me kaq. Por është rëndësishme të ndalohet një zhvillim shkatërrimtar – jo vetëm në Tiranë -, por në veçanti Teatri Kombëtar, kjo kulturë e gjallë, ka dhe do të gjallëroj tensione pro luftës kundër prapambetjes kulturore qytetare, sikundër e ka kryer ndër breza.
Nëse planet për Teatrin do të zbatohen (e kane thënë mbrojtësit, aktivistët, artistët gjatë gjithë fushatës së solidarizimit për mbrojtjen e Teatrit), kjo do të nënkuptonte një hap masiv prapa, jo vetëm për kulturën në Tiranë, por për kulturën e shoqerisë sonë në vetvete.
Nuk duhet injoruar publiku dhe dashamirësit që vizitojnë shfaqjet. Teatri i një kryeqyteti është ai që zbut rënien sociale dhe kulturore të shoqërisë.
Tirana s`ka nevojë për Kulla, pseudo-trotuar biçikletash dhe kuti të nëndheshme parkimesh!
Edhe fëmijët luajnë më bukur në teatrin e jetës, se sa i rrituri NERO! #mosmaprekteatrin, #pabordurapolitike #proartitprokultures (Foto by Eda Derhemi)
