Ujësjellës Kanalizime Tiranë njofton se në linjën e Bovillës gjatë mbrëmjes së djeshme ka ndodhur një defekt i rëndë dhe për pasojë është dëmtuar linja e transmetimit që shkon nga ujëmbledhësi i Bovillës deri në impiantin e Bovillës.
Defekti i ndodhur në linjën Dn 900, i cili shkakton mjaft humbje, do të ndihet edhe në furnizimin me ujë në qendër të qytetit si dhe në zonat e Yzberishtit dhe Astirit, të cilat tashmë furnizohen me ujë direkt nga Bovilla.
UKT ka njoftuar qytetarët se po punohet intensivisht për riparimin sa më parë të defektit, për të siguruar furnizimin normal me ujë të qytetit të Tiranës.
