Ushtria ukrainase u ka sjellë dëme të konsiderueshme trupave ruse. Së fundmi, mësohet se forcat e armatosura të Ukrainës kanë hequr qafe snajperin më të mirë rus, Alexander Kislinsky gjatë luftimeve në Donetsk.
Kislinsky ishte snajper i Brigadës së 22-të Spetsnaz, e vendosur në Ukrainë, dhe e përshkruar si më e mira e trupave ruse, është varrosur në Rusi, pasi Kremlini riatdhesoi trupin. Rusia e quan snajperin veteran të vrarë në Ukrainë si një “hero” dhe një “luftëtar që meriton kujtim të përjetshëm”.
Fotot e fundit të postuara të Alexander Kislinsky në front tregojnë snajperin pranë tankeve ruse të shenjuar me “Z”. Gjithashtu, në një nga videot e fundit ku shihet luftëtari, ai mban një fjalim në favor të luftës dhe kundër komandove “naziste” që, sipas Rusisë, po luftojnë në mbrojtje të Ukrainës: “Me teknologjinë tonë moderne do të përfundojmë çdo punë. Shikojini ata se si ecin me krenari, të veshur me uniformat e tyre naziste. Ata mendojnë se ne nuk i shohim, por ne do t’i kapim”.
