Valbona Bahtiri-Ademaj, bashkëshortja e kandidatit të PDK për kryetar të Pejës, Astrit Ademaj, i cili mbeti i vrarë mbrëmjen e djeshme në një lokal në Pejë, ka reaguar për ngjarjen tragjike.
“17 vite i kaluam së bashku me të mira e më vështirësi, por çdo gjë ishte e lehtë kur kishim afër njëri tjetrin, tejkaluam shumëçka bashkë, po sot më le përgjithmonë Astrit, mu Aelen e Buronin që nuk arrite ta përcjellësh në klasën e parë. Besimi yt që kishe ndaj meje më bën më të fortë që të vazhdoj ti rris fëmijët tanë ashtu qysh ti deshe. Lamtumirë”,- ka shkruar ajo.
Kujtojmë se mbrëmjen e së mërkurës kanë mbetur të vrarë kandidati i PDK-së për kryetar të Pejës, Astrit Ademaj dhe një tjetër zyrtar nga e njëjta forcë politike Blerand Kadrijaj.
