Ditën e sotme ka nisur procesi i votimit për kryetarin e degës së Partisë Demokratike në Bulqizë, proces i cili ishte parashikuar të dielën por u shty pas përplasjes për listat e votimeve. Sot pritet të votojnë rreth 2200 votues.
Në garë për kryetar të degës janë Fatos Hoxha dhe Shaqir Manjani, pasi njëri nga kandidatët Defrim Fiku i cili ishte dhe kryetari aktual është tërhequr gjatë ditës së djeshme.
Zgjedhjet për kryetar dege në Bulqizë ishin parashikuar ditën e diele, por pas mosmarrëveshjeve mes kandidatëve dhe votuesve, procesi u shty për të rinisur sot. Zgjedhjet për kryetarë dege pritet të mbyllen të premten, pasi ditën e shtunë PD mban Kongresin e partisë.
