Një grua, është përplasur me stafin e spitalit në Carlo Poma në Mantua. Raportohet se gruaja kishte kërkuar të shtrohej në psikiatri edhe pse nuk kishte nevojë dhe e inatosur nga refuzimi i mjekut të urgjencës ka tentuar ta godasë.
Gruaja shkoi në urgjencë duke thënë se ishte grindur me burrin e saj dhe se kishte nevojë për shtrimin në repartin e psikiatrisë pasi nuk donte të shkonte në shtëpi.
Mjeku thirri një koleg psikiatër për një konsultë, i cili përjashtoi nevojën për shtrimin në spital.
Në atë moment gruaja u tërbua dhe filloi të ofendonte të dy mjekët.
E teksa ata e shoqëruan në dhomën e pritjes me karrocë, ajo tentoi ta godiste me bastun në kokë mjekun, ndërsa ai ngriti krahun e tij.
Më pas pacientja abuzive u qetësua falë ndërhyrjes së mjekëve dhe infermierëve të tjerë.
Prillin e kaluar i njëjti mjek, po ashtu gjatë shërbimit në urgjencë, u godit me grusht në fytyrë nga një pacient i inatosur pasi sipas tij, teksa priste në dhomën e pritjes për ekzaminim, i kishin vjedhur pantoflat.
