Dy shqiptarë, të shpallur në kërkim nga autoritetet italiane dhe nga disa vende të Europës, kanë rënë në prangat e policisë pikërisht në Kakavijë.
Arrestimi i tyre është realizuar ditën e djeshme nga sektori i kontrollit të pasaportave në bashkëpunim me policinë e Janinës.
Njëri prej shtetasve shqiptar rezulton i dënuar me 6 vjet e 9 muaj burg për trafik droge ndërsa tjetri i dënuar me 1 vit e 8 muaj burg për pastrim parash dhe grabitje.
Ndërkohë, edhe në doganën e Kapshticës është arrestuar një shqiptar, i cili ishte shpallur në kërkim nga autoritetet greke.
Shqiptari 38 vjeç u arrestua nga sektori i kontrollit të pasaportave Kapshticë në bashkëpunim me policinë e Follorinës. Mbi të rëndon një urdhër arresti nga Prokuroria e Selanikut për trafik droge.
