Ndonëse Berati është mes bashkive që janë shpallur si “zona të gjelbra”, identifikohet një rasti i ri me koronavirus. Mësohet se ka rezultuar pozitive me COVID-19 një punonjëse e Ujësjellësit të Beratit.
Raportohet se ekonomistja e këtij institucioni prej tre ditësh kishte temperaturë 37 e gjysmë, ndërsa pasi i ishte nënshtruar testit, sot i ka mbërritur përgjigja, e cila rezultoi pozitive.
Bëhet me dije se punonjësja e Ujësjellësit të Beratit e cila banon në lagjen “10 Korriku” në Berat, nuk ka asnjë simptomë tjetër, ndërsa është izoluar në banesën e saj. Si fillim, ajo ishte paraqitur pranë Urgjencës së spitalit, dhe më pas ishte dërguar në shtëpi. Aktualisht, punonjësit e Ujësjellësit po i nënshtrohen analizave, për të parë nëse ka të prekur të tjerë mes tyre me këtë virus.
