Ish gjyqtari i Gjykatës së Lartë, Admir Thanza ka bërë rekurs në Gjykatën e Lartë për zhbllokimin e pasurisë së tij. Mësohet se, Thanza kërkon që t’i kthehet apartamenti dhe dyqani i sekuestruar.
Ish gjyqtarit me vendim të gjykatës së Posacme, iu sekuestrua për 2 pasuri të paluajtshme në emër të tij, konkretisht, një apartament 70 m2 dhe një dyqan 23 m katrorë në Tiranë. Ish-anëtari i Gjykatës së Lartë u mor nën hetim nga SPAK për fshehje dhe mosdeklarim pasurie
Kujtojmë se gjatë Vettingut, Operacioni Ndërkombëtar i Monitorimit zbuloi një dënim prej 40 ditë burg të Thanzës për një vjedhje në Itali ndodhur në vitin 1999. Këtë dënim, ish-gjyqtari nuk e kishte përfshirë në vetë-deklarim. Për akuzën e falsifikimit të formularit, ai u shpall fajtor dhe u dënua me 9 muaj burg, vendim i cili u konvertua në 1 vit e gjysmë shërbim prove.
