Semi Jaupaj dhe Donald Veshaj janë rikthyer përsëri në qendër të vëmendjes, pasi u shfaqën për herë të parë krah njëri-tjetrin që prej përfundimit të “Big Brother Vip.”
Megjithatë, përveç faktit se Semi ka pranuar të jetë e ftuara e radhës së emisionin e Donaldit, dyshja kanë bërë edhe një veprim tjetër duke lënë të kuptohet se gjërat mes tyre tashmë janë sheshuar.
Në një kontroll në llogaritë e tyre personale në rrjetin social Instagram, vihet re se dyshja tashmë kanë nisur të ndjekin njëri-tjetrin me profilet e tyre.
Donte apo nuk donte, Semi e gjeti veten në mes të historisë së Donaldit dhe Borës. Fakti që ishte brenda me ish-të dashurin e shoqes së ngushtë, e përqendroi vëmendjen te ky raport.
Gjatë reality-showt ajo e ka mbrojtur me fanatizëm lidhjen e tyre dhe ka qenë kategorike ndaj çdo veprimi që Donaldi bënte që mund të prishte lidhjen e tyre. Aktori u hodh në krahët e Beatrix vetëm pas daljes së këngëtares.
Romancën e tij me këngëtaren Semi nuk e priti aspak mirë, dhe vendosi të hakmerret, duke e fshirë Donaldin nga Instagrami. Nga ana tjetër, vëllai binjak i Donaldit, Romeo Veshaj, i cili menaxhonte profilin e tij në rrjetin social gjatë kohës kur ai ishte brenda shtëpisë së BBV, ia ktheu Semit me të njëjtën monedhë.
Por gjithçka duket se ka ndryshuar, që nga “ribashkimi” i Donaldit me Bora Zemanin në eventin e zhvilluar nga Valdrin Sahiti. Sa i përket dyshes Bora-Donald, ata ende nuk e ndjekin njëri-tjetrin në rrjetin social.
