Bardhyl Tusha është 33-vjeçari që humbi jetën më 28 janar të këtij viti në burgun grek të Karidhalos, ku fillimisht u raportua se vdekja e tij kishte ardhur nga mbidoza.
Por, sipas hetimit mjeko-ligjor 33-vjeçari shqiptar kishte shenja të dukshme në fyt dhe mushkëritë e tij dukeshin të dëmtuara nga mungesa e oksigjenit. Gjithashtu, nga analizat toksikologjike duket se Tusha s’kishte përdorur lëndë narkotike para vdekjes.
Sipas burimeve të policisë, shqiptari u vra nga mafia shqiptare, pasi Tusha pritej të deklaronte për vrasjen e avokatit Michali Zafiropoulos. Kështu që mafiozët shqiptar e vranë për t’i mbyllur gojën nga frika se ai do fliste.
