Është rikthyer në detyrë shefi i Komisariatit të Policisë në Cërrik, Bilal Semanaj i cili u pezullua pasi media publikoi foto të operaciont në Elbasan.
Vendimi është marrë nga Gjykata e Apelit në Durrës. Kujtojmë se Semanaj bëri publike foto të operacionit në të cilin RENEA zbuloi një arsenal me armë të sofistikuara. Bashkë me Semanajn u pezulluan nga detyra edhe edhe dy specialistë e një shef i krimeve.
Operacioni i publikuar në media, u krye në Papër të Elbasanit, një ditë pas zgjedhjeve nga RENEA. Dyshohet se armët e sekuestruara janë përdorur edhe në krimet e kaluara.
Armët dyshohet se i përkasin një grupi të strukturuar kriminal që vepron në këtë zonë, ndërsa hetimet vijojnë në mënyrë intensive për gjetjen e gjurmëve të gishtërinjve, shenja këto, të cilat do të ndihmojnë Policinë e Shtetit dhe strukturat hetuese në zbardhjen e krimeve të shënuara në Elbasan.
