Ish-konkurrentja e programit të dashurisë “Për’puthen” Alvisa Qarri ka qenë ditët e fundit kryefjalë e mediave sociale dhe shkak janë bërë disa video të bëra publike me Argjend Rracin.
Dyshja publikuan një video së bashku në rrjetin social TikTok, në të cilën Alvisa kishte vendosur një audio përmes të cilës i kërkonte që ta dojë, t’i bëjë qejfin dhe mos t’i bërtasë.
Por, ditën e sotme Alvisa ka qenë e ftuar në një intervistë për emisionin “Shqipëria Live” ku ka sqaruar keqkuptimet nga ana e publikut lidhur me videot e bëra publike në rrjet përkrah Argjendit, dhe se ka treguar të vërtetën se afrimiteti mes tyre është vetëm një raport shoqëror.
“Me Argjendin kemi një raport shumë të mirë shoqëror. Është një djalë i respektueshëm dhe unë e respektoj shumë. Unë jam single dhe nuk e dija që të jesh single është kaq bukur. Ta dija do isha bërë kohë më parë beqare. Këto janë video funny në Tik Tok që i bëjnë të gjithë. Po bënim video për Tik Tok, nuk kisha bateri, gjeta atë zë dhe e bëmë. Jo për ngacmim. Nuk takohemi shpesh. Kishim tre muaj pa u takuar.”
Nga ana tjetër, Alvisa është shprehur se për momentin nuk ka asnjë në jetën e saj teksa shtoi se kishte shumë kohë që nuk kishte qenë beqare.
“Kisha shumë vite që nuk isha beqare. Mbi 5 vite nuk kam qenë beqare. Nuk kam pasur kurrë marrëdhënie të shkurtër.“
Së fundmi, nuk kanë munguar dhe raportet që ajo ka me Bashkimin tani mbas ndarjes së tyre.
Alvisa është shprehur se kanë kohë pa komunikuar pasi nuk mund të ruaj marrëdhënien me ish-partnerët.
“Nuk ruaj komunikime, kemi kohë që nuk flasim. Kam shumë respekt për të, është shumë djalë i mirë por aq ishte.”
Kujtojmë se Bashkimi dhe Alvisa u deklaruan për njëri-tjetrin në studion e “Për’puthen”, por lidhja e tyre nuk zgjati shumë jashtë programit.
